ముగిసిన వేసవి సెలవులు 

పాఠశాలలో అవసరమైన ఏర్పాట్లు పూర్తి

విద్యార్థుల తల్లిదండ్రులు సహకరించాలి

ప్రీ ప్రైమరీ పాఠశాలలు ప్రారంభం

మండల విద్యాధికారిని పొదేం మేనక

మంగపేట, జూన్ 13, అక్షర సవాల్:

తెలంగాణ రాష్ట్రంలోని అన్ని ప్రభుత్వ, ప్రైవేట్ పాఠశాలలకు జూన్ 14 తో వేసవి సెలవులు ముగిసాయి. దీనితో పాఠశాలలు సోమవారం జూన్ 15 నుంచి పునఃప్రారంభం కానున్నాయని మండల విద్యాధికారిని పొదేం మేనక పత్రికా ప్రకటనలో తెలిపారు. ఈ సందర్భంగా విద్యాధికారిని మాట్లాడుతూ విద్యార్థులు కొత్త విద్యా సంవత్సరాన్ని ఉత్సాహంగా ప్రారంభించాలని విద్యార్థులు తగిన సామగ్రి (పుస్తకాలు) తో నిర్ణీత సమయానికి పాఠశాలకు హాజరు కావాలని అన్నారు.

పాఠశాలలో అవసరమైన ఏర్పాట్లు పూర్తి:

పాఠశాలలో అవసరమైన ఏర్పాట్లు పూర్తిచేయబడ్డాయని విద్యార్థుల భద్రత, క్రమశిక్షణ  సమగ్ర అభివృద్ధికి పాఠశాలల ఉపాధ్యాయుల బృందం తగిన చర్యలు తీసుకుంటుందన్నారు.

విద్యార్థుల తల్లిదండ్రులు సహకరించాలి:

విద్యార్థుల తల్లిదండ్రులు తమ పిల్లలను సమయానికి పాఠశాలకు పంపించి ఉపాధ్యాయులకు సహకరించాలి.

ప్రీ ప్రైమరీ పాఠశాలలు ప్రారంభం:

మండలంలోని రాజపేట ఎంపీపీఎస్, కొత్త బెస్తగూడెం ఎంపీయూపీఎస్, మల్లూరు జడ్పీహెచ్ఎస్, కమలాపురం ఎంపీపీఎస్ పాఠశాలలో నూతనంగా ప్రీ ప్రైమరీ తరగతులు ప్రారంభం కాను ఉన్నాయని మండల విద్యాధికారిని మేనక తెలిపారు.